Кўклам юртимизга сеп ёйган айни кунларда туманимиздаги далаларда ҳам ишлар қизғин. Миллий бойлигимиз бўлган пахта экиш тадбирлари аввалида бугун туман ҳокимлиги ҳамда "Сурхондарё агрохизмат" МЧЖ томонидан эҳсон оши тарқатилиб, нуронийларнинг дуоси олинди.

Куни кеча туманнинг 2-сектори ҳудуди “Тароқли” маҳалласида маҳалла бешлиги ҳамда саховатпешалар ташаббуси билан 10 га яқин дошқозонларда ёрма тайёрланиб халққа улашилди.

Баҳор байрамлари арафасидаги ушбу хайрли ишда ўзбек халқига хос бағрикенглик, мехр-саховат туйғулари мужассам бўлди дейиш мумкин.

Куни кеча туманимиздаги “Тошкент” тантаналар саройида “8 март – Халқаро хотин-қизлар куни” муносабати билан “Шеробод Текстил Инвест” МЧЖ томонидан мазкур корхонада фаолият юритаётган, қолаверса, туманнинг ижтимоий-иқтисодий ривожланишига ўз ҳиссасини қўшиб келаётган лобарин опа-сингилларимиз учун байрам тадбири ўтказилди.

Оила ва жамият устуни, ҳаётимизнинг файзи ва кўрки бўлган хотин-қизларни эъзозлаш, уларга ҳурмат ва эҳтиром кўрсатиш халқимиз учун азал-азалдан буюк қадрият бўлиб келган ва шундай бўлиб қолади. Чунки сизлар билан ҳаётимиз гўзал ва мазмунли, хонадонларимиз обод ва нурафшондир.

“8-март - Халқаро хотин-қизлар куни” муносабати билан Шеробод туманидаги “Офарин” тантаналар саройида ўтказилган байрам тадбирида ҳам муҳтарама аёллар, лобарин опа-сингилларимизга эҳтиром кўрсатилди.

3-сектор раҳбари, туман ИИБ бошлиғи Ў.Шукуров ташаббуси билан "8 март - Халқаро хотин-қизлар куни" муносабати билан ИИБ ходимлари ҳамда маҳалла вакиллари томонидан туманимиз ривожига ҳисса қўшаётган бир гуруҳ аёллар рағбатлантирилди.